كبة زر _كبة تمن_ كبة حلب
كبة رااااااااااائعة ومقرمشة والكل يحبها
المقادير وطريقة العمل سبق ونزلتها بالمدونة تجدونها هنا على هذا الرابط
فقط اني هنا لم اقم بسلق الرز وانما طبخت الرز مع الماء (بالعراقي يسمى تمن تطبيكَـ )
يعني نقعت رز كوبين
وفي قدر اضفت ملعقة زيت واضفت الرز واضفت ماء يغمر الرز بنصف اصبع
لاني اريد الرز يكون ناضج مائل الى المعجن يعني ناضج جدا
واضفت للماء الكركم والملح
ومن بعدها عجنت الرز بعد مانضج وبرد بالقليل من الماء مع اضافة ملعقتين كاسترد باودر
لانه ماكان عندي نشا الذرة
وعملت الكبة
وقليتها بزيت ساااخن
والنصف الاخر من الكبة وضعته في طبق ووضعته بالفريزر لمدة ساعتين حتى جمدت وبعدها وضعتها في كيس ومن ثم بالفريز
ومتى مااردت اقلي اخرجها قبل 10 دقائق وهي جامدة اقليها بالزيت الساخن
ولاتقلب الكبة الا بعد مانرى الاطراف اخذت لون ذهبي حتى ماتنفتح اثناء القلي
تقدم مع الخبز والسلطة
السلام عليكم علقت باسم مجهول لان الملفات الموجودة ماعندي الهن حساب وعاشت ايدج بس ممكن اعرف ليش تحطين كاستر او نش لكبة التمن؟وتسلمين
ردحذفوعليكم السلام ورحمة الله وبركاته
حذفحياج الله
السبب اولا يعطيها قرمشة
وثانيا حتى نضمن الكبة متفتح اثناء القلي
او اذا حبينا نفرزنها من نقليها بعدين متفتح
والله يسلمج
اوكي تسلمين والله ينطيج العافية ,زين سؤال لمن اسوي فطائر واجي احط عالعجينة عند الشوي زيت وزعتر او جبن العجينة رح تصير شوية معجنة بالمكان اللي بيه الجبن او الزيت واحنة نحب عجينة الصمون الحجري العراقي تطلع طيبة بالفطائر وهنا ماكو شلون اسوي مثلها ؟وشكرا لتواصلج وردودج
حذف